محطات نقل الكهرباء ومكوناتها

 ما هى انواع محطات نقل الكهرباء ومكوناتها؟

بص ياسيدى طبعا احنا اتكلمنا قبل كده بالتفصيل عن خطوط نقل الكهرباء ومكوناتها ممكن ترجع تشوف المقال وطبعا الخطوط دى بتنزل على محطات تسمى محطات النقل اللى هى substation.

ومحطات النقل دى هى اللى الخط بينزل عندها عشان ننزل بالجهد ونغذى المنطقة اللى فيها محطة النقل تمام معايا ولا ايه.

وتنقسم محطات النقل الى عدة انواع منها محطة محولات من النوع المعزول بالهواء او محطة محولات من النوع المعزول بالغاز او محطة مفاتيح .

ويتم خروج الاسلاك من المحطة على البورتال او يسمى gantries او يسمى قاعدة تثبيت اسلاك البرج.

اولا : 

بالنسبه لمحطات المحولات الخارجية من النوع المعزول بالهواء .

هناك محطات محولات 220 / 66 ك.ف وهذه تعمل على تنزيل الجهد عن طريق محول تنزيل الجهد step down transformer من 220 ك.ف الى 66 ك.ف وبعد ذلك يتم تنزيل ال66ك.ف الى 11ك.ف وبعد ذلك يتم تنزيل ال11ك.ف الى 380 فولت ونوزع بقا على المستهلك اللى موجود فى المنطقه دى.

وكذلك فى محطات محولات 220 / 132 ك.ف وهكذا من محطات النقل يوجد كذلك  من 500 / 220 ك.ف يعنى من الاخر بناخد من الخط الرئيسى خط فرعى بجهد اقل عشان نغذى المنطقه وبعدين الخط يكمل معايا يروح لمنطقه تانيه اظن كده الفكره وضحت.

لو اخدنا مثال مثلا محطة محولات خارجية من النوع المعزول بالهواء وبتقوم بالتنزيل من 220 / 132 ك.ف كمثال وباقى المحطات ينطبق عليها نفس الكلام معايا ولا ايه..

ركز معايا واحده واحده فى هذا النوع بيتم تحويل الجهد من 220 ك.ف الى الجهد 132 ك.ف طبعا عن طريق محول القدرة اللى هو step down transformer وبعد كده نأخد الجهد عن طريق موصلات يدخل اولا على مانع الصواعق surge arrestor وده بيعمل على حماية المحول .

وبعد كده بيدخل على المفتاح او بيسمى قاطع التيار الألى جهة ال132 ك.ف. 

ثم بعد ذلك يأتى محول التيار current transformer وده بيعمل على تحويل التيار من قيمة عالية الى قيمة قليله بتكون حوالى من 1 او 5 امبير وده لتشغيل اجهزة الوقاية والقياس.

وبعد ذلك يأتى دور سكينة الخط ومعها طبعا سكينة الارضى وده لتأمين فصل الدائرة .

وبعد ذلك يأتى دور محول الجهد potential transformer والذى يقوم بتحويل الجهد من 132 ك.ف الى 110 فولت وهذه القيمه لجهد التشغيل بتختلف من دوله لاخرى يعنى ممكن ان يتم التنزيل الى 220 فولت والذى هو جهد التشغيل بمصر والذى هو جهد الذى تعمل عنده اجهزة القياس والوقاية .

ثم يأتى دور اخر مرحلة وهى مانع الصواعق surge arrestor والذى بدوره يحمى الدائرة ناحية الخط من تيارات الصواعق والتى ممكن ان تصيب الخط وبعد ذلك يتم اخذ الموصلات وربطها بالبورتال او gantries ليتم ربطها بأول برج فى الخط وبيكون نوع البرج هو برج شد.

وده شرح مبسط لمكونات محطة التنزيل.

 هل بقى الخط الاساسى بيقف هنا؟ لا طبعا بيكمل معايا عشان اروح لمكان تانى عشان اغذيه 

طبعا مش هبائا ده على حسب القدره بتبقى متوزعه عشان تغطى اماكن معينه يعنى من الاخر الخط اللى كان داخل المحطه الاساسى بيطلع منها بس هنا بيكون فى بارات وسكاكين للبارات اللى هى busbars .

وطبعا قيس على كده كل الانواع السابقه ويمكن التنزيل الى اكثر من خط من المحطه دى فهمنا كده ولا ايه..

   

ثانيا:

محطات محولات من النوع المعزول بالغاز 

خلى بالك معايا هى عباره عن محطات تتشابة فى مكوناتها مع النوع السابق ولكن الاختلاف يكمن فى المادة العازله المسئوله عن اخماد الشرارة او تسمى spark يعنى هنا لا يعتمد على الهواء ولكن يعتمد على غاز SF6 والذى يدعى سادس فلوريد الكبريت.

وحيث هو العنصر الاساسى فى هذه المحطات ويقوم بالعزل الداخلى لمكونات هذه المحطات .

بس خلى بالك هذه المحطات بتكون مغلقة لمنع خروج الغاز منها لذلك بيتم تصميمها على شكل انابيب اسطوانية الشكل بأحجام واشكال مختلفة وفقا لقدرة كل محطة حتى تحتوى بداخلها كل مكونات الشبكة والتى تم ذكرها فى المثال السابق.

وهى عبارة عن السكينه والمفتاح ومحولات الجهد ومحولات التيار.

وقضبان التوزيع busbars وخلى بالك بيتم استخدام هذا النوع فى الاماكن المزدحمة والتى تكون المساحة الارضية فيها صغيرة وانها لاتأخذ مساحة كبيرة من الارضية بالمقارنة بالنوع السابق 

ويتميز هذا النوع بالامان من حيث الفصل والتوصيل والتشغيل 

ولكن عيبها هو زيادة التكلفة وخلى بالك ان معظم مكونات هذا النوع من المحطات بيكون بنفس الخلية ما عدا محول القدرة والاجزاء المساعدة لتشغيل المحطة مثل البطاريات ولوحات التحكم والوقاية  تكون منفصلة ويوضح الشكل القادم احد صور محطات النقل المعزولة بالغاز.

ممكن خروج الموصل من هذا النوع على gantries بهذا 

الشكل الاتى

وممكن خروج الموصل من هذا النوع بهذا الشكل الاتى

اتمنى تكون وصلت المعلومه اشوفكم المقال القادم انتظرونى.....