ادارة الازمات ....معلومه فى ادارة الازمات

بص ياسيدى انت تعرف ان ستى وستك هما اللى عملو علم ادارة الازمات..خلاص متزعلش ستى انا بس اللى وضعت علم ادارة الازمات انت بتقول ايه ياعم هقولك اصبر بس وركز معايا زمان وانا صغير كنت بشوف حاجه ستى كانت بتعملها كانت كل يوم الاقيها بتنظف لمبه الجاز طبعا عارفينها وتزودها جاز كل يوم

فدماغى تشت هى بتعمل كده ليه والاقى كمان معاها شمعه وعلبة كبريت وركزت معاها عشان اشوفها بتحطهم فين لقد وجدتها تضعهم تحت المخده ..بيعملو ايه تحت المخده دول وبعدين قولت بقى انا لازم اسألها انت ليه ياستى قصدى ياتيته بتحطى شمعه وكبريت تحت المخده وكمان كل يوم بتعملى صيانه للمبة الجاز.

وكانت المفاجأه انها قالت يابنى ياحبيبى انا كبيره فى السن لما النور بيقطع باليل بحط ايدى تحت المخده اطلع الشمعه والكبريت وولع الشمعه وانزل من على السرير لحد لمبة الجاز اللى متعلقه على باب الاوضه واشعلها عشان متكعبلش واقع انكسر عشان مبقاش مستهدفه وابقى مستعده وهنا جاء علم ادارة الازمات حيث ان المنظمات او المؤسسات اما تكون مستهدفه واما مستعده لذلك لابد تكون المنظمه مستعده زى ستى كده حتى لاتصبح المنظمه او المؤسسه مستهدفه.

اظن كده وضحت الفكره يالا كلنا نشكر ستى على المساهمه فى وضع علم ادارة الازمات وكذلك الشكر موصول للدكتور محمد ندا
والى معلومه اخرى خفيفه وسهله اشوفكم المقال الجاى