القدره الكهربيه ...وكيفية نقلها للمستهلك

بص ياسيدى الرسمه دى فيها الخلاصه واحنا طبعا اتكلمنا فى المقالات السابقه لحد ما وصلنا للمحولات الكهربيه ولو حضرتك مشفتش المقالات اللى فاتت ارجع لها تانى عشان تبقى معانا على الخط .
عايزين بقى ننقل القدره الكهربيه للمستهلك افندى
وده ياحبيبى بيمر بثلاث خطوات

1. التوليد ...اه التوليد طبعا اتكلمنا عنه بكل تفاصيله وتكاته وحركاته ولا ايه شكلك نسيت اتكلمنا عن المحطات البخاريه..الغلايه البخاريه..التربينه البخاريه..المولد الكهربى بمحطات التوليد لو سيادتك حابب تشوفهم اتفضل.                                            
2. النقل ..ويتم نقل القدره الكهربيه عن طريق خطوط النقل ومحطات النقل عامتا احنا موضوع النقل ده دا بقى هيبقى حكايتنا الفتره الجايه قشطه كده ولا ايه.                                  
3. التوزيع.. ودى طبعا المرحله الاخيره واللى المنظومه كلها بتسعى لتحقيقها وهى توزىع القدره الكهربيه المنقوله عن طريق خطوط النقل على المستهلكيين المدلعيين ..

هل تعلم...يتم بناء محطات الانتاج فى اماكن بعيده ولابد ان تكون قريبه من مصدر للماء والفحم والغاز....

هل تعلم...ان عمليه نقل القدره الكهربيه تتكون من محطات النقل والتوزيع وكذلك خطوط النقل

هل تعلم ...ان الطاقه الكهرببه التى تنتج من محطات توليد الطاقه الكهربيه بتتولد عند جهد منخفض 11 kv وطبعا اتكلمنا فى الموضوع ده كتير وبالتالى يتم استخدام محول رافع للجهد حتى يتم رفع الجهد عشان ننقل الطاقه الكهربيه لازم ننقلها على جهد مرتفع عن طريق خطوط نقل الكهرباء


هل سألت نفسك ليه بقى بيتم نقل الطاقه الكهربيه او القدره الكهربيه يعنى بجهود عاليه

تعالى نعرف ليه بس ممكن حضرتك تركز معايا وما تسرحش منى
بص ياسيدى العلاقه اللى جايه دى فيها الزاتونه بتاعة الموضوع ومش هاوجع دماغك بإستنتاجها واجبلك الخلاصه

A=p2 .꯱.L / WL . V2 .cos2꯵

A: مساحة المقطع للموصل
P: القدره الكهربيه
꯱: المقاومه النوعيه للموصل
L: طول الموصل
V: جهد الخط
Cos꯵ : معامل القدره Power Factor

من العلاقه دى هتلاقى ان مساحة المقطع A تتناسب عكسيا مع جهد الخط V يعنى ايه الكلام ده هاقولك
يعنى ياسيدى كل ما نزود جهد الخط مساحة المقطع للموصل هتقل وبالتالى سيترتب على ذلك الاتى

1. حجم الموصل هيقل
2. وزن الموصل هيقل
3. تصميمات الحمل للابراج هتقل
4. ومنها عدد الابراج هتقل
5. وبالتالى تقل المفاقيد فى القدره الكهربيه المنقوله على طول الخط

خلاصة القصه ان التكلفه هتقل طبعا لان الجزء الاقتصادى فاحنا بنراعى ده فى اى عمل نقوم به دى.. حته كده على الماشى ...واخد بالك انت

ممكن حضرتك تسأل وتقول ايه الابراج ..هقولك هى دى بقى اللى بتشيل الموصلات اللى بتمشى فيها القدره الكهربيه من محطات التوليد لحد ما توصل للمستهلك

هنا ممكن ان نسأل سؤال كيف يتم اختيار الجهد للخط؟

بص بقى العلاقه دى هاجيبلك الناهيه لي بردو مش هاوجع دماغك بالاستنتاج

V2=p2 .꯱.L / WL . A .cos2꯵

WL: مقدار الطاقه المفقوده فى الخط

من المعادله دى هنلاقى جهد الخط بيعتمد على القدره الكهربيه التى يتم نقلها والتناسب هنا طردى يعنى ايه

لو عايز تنقل باور عاليه لازم تنقلها على جهد عالى يعنى تزود الجهد 

وكذلك من المعادله جهد الخط بيعتمد على طول الخط يعنى بردو هنا تناسب طردى عشان انقل قدره كهربيه لمسافات بعيده لازم نزود الجهد 

اشوفكم المقال الجاى ومعلومه سهله وخفيفه انتظرونى...