غسيل العازلات الكهربية لخطوط نقل الكهرباء تحت الجهد(Hot washing of OHTL)

بص ياسيدى بعد ما اتكلمنا عن كيفية انتاج الكهرباء وايضا اتكلمنا عن خطوط نقل الكهرباء بالتفصيل من تنفيذ للقواعد الخرسانيه للابراج وايضا كيفية تجميع وانشاء الخطوط الهوائية وايضا نقل القدره الكهربية وممكن حضرتك ترجع للمقالات السابقه.

دلوقتى بعد ما انتاجنا الكهرباء وانشائنا خطوط نقل الكهرباء مش هنسيبها كده وخلاص..لأ طبعا لابد من عمل الصيانة الروتينيه للحفاظ عليها ازاى بيحصل كدا خليك معايا ..فاكرين العازلات الكهربيه ممكن ترجع لمقال العازلات من هنا

يؤثر تلوث العازلات بشكل مباشر على كفاءة وتشغيل الخطوط الهوائيه ومحطات المحولات ...ياه دا بيحصل بجد ..اه خليك معايا 

وبالتالى بيتم استخدام غسيل العازلات تحت الجهد والذى يتميز  بالكفاءه التامه فى تلافى الاثار المترتبه على التلوث لهذه العازلات.

انت بتقول ايه استخدام المياه مع الكهرباء انا مش مصدق ..لا انا بقولك صدقنى دا بيحصل ولكن بشروط ومواصفات معينه خليك معايا بس ولا تستعجل.

 

قبل ما اشرح الموضوع لابد من معرفة شوية تعاريف  ومصطلحات مهمه او شوية شروط مهمة:-

تيار التسرب (leakage current):-

معلش هو اسمه كده هو قيمة التيار المتسرب الذى يمر خلال شعاع المياه المستخدم فى نظافة العازلات بالاضافة الى قيمة التيار الكهربى المار على سطح سلاسل العازلات نتيجة للتلوث ..واحده واحده هنوضح كل حاجه بالتفصيل خليك معايا.

طول شعاع المياه (water stream):-

هو عبارة عن طول مسار المياه الصادر من معدة الغسل الميكانيكى وهى معده مجهزه بطريقة معينه لاستخدامها لغسيل العوازل للخطوط الكهربائية وهى المسافة بين فوهة البشبورى وسلسلة العازلات المراد نظافتها عايزك تعرف الحاجات دى وبعدين هنشرح كله بالتفصيل ركز معايا .

المسافة الامنة (safety distance):-

دى مهمه جدا فى عملية الغسيل الميكانيكى للعوازل الكهربية تحت الجهد الكهربى وهى عبارة عن الحد الادنى لطول شعاع المياه اثناء عمليه  غسيل العازلات تحت الجهد وتمكمن الاهمية ...حلوه تكمن دى صح فى مراعاة سلامة وامان العاملين وكذلك المعدات والمهمات المستخدمة .

الرزاز المتطاير (over spray) :-

ده عباره عن جزء من المياه المستخدمه فى عملية الغسيل والتى تكون مضغوطه بضغط معين تبعدها الرياح عن الجزء المراد غسيله او بمعنى اصح جزء من المياه المتطايره اثناء اجراء عملية غسيل العازلات الكهربية .

المقاومه النوعية للمياه (water resistivity) :-

مش اى مياه وخلاص لازم المياه المستخدمه فى عمليه الغيل يكون لها مواصفات معينه من ضمنها المقاومه النوعية للمياه والتى هى مقاومة مكعب من المياه المستخدم فى الغسبل طول ضلعه 1 سم ووحدة قياسها هى اوم . سم .

ومنها يتم حساب الموصلية والتى هى مقلوب المقاومة النوعية بس فى معلومه مهمه جدا ركز معايا..

نظرا لتأثر المقاومة او الموصلية بتغير درجات الحرارة وعشان كده لابد من قياس الموصلية للمياه عند درجات حرارة الموقع اى مكان العمل وقبل عملية الغسيل مباشرة.

الوميض الهالى (flash over):-

وده بيحصل نتيجة حدوث انهيار سطحى على العازلات بسبب عدم تحمل الوسط العازل واللى هو الهواء حول العازلات الكهربية للاجهادات الكهربية .

التفريغ الهالى (corona discharge):-

وطبعا حضرتك متابع للمقالات وعارف اننا اتكلمنا بالتفصيل عن ظاهره الكورونا فى مقال سابق ممكن تشوفه من هنا

عامتا هو حدوث تأين للهواء المحيط بالاجزاء الحيه اى التى بها جهد كهربى مصحوبا بصوت أزيز ويظهر بوضوح عند تلوث العازلات وزيادة الرطوبة.

شدة التلوث على سطح العازل الكهربى :-

هى وزن كمية ملح الطعام المكافئة للأملاح الذائبة فى التلوث اى المروع من على سطح العازل موزعة على اجمالى مساحة سطح المادة العازلة.

أنظمة الغسيل :-

مهم جدا معرفة انظمة الغسيل المستخدمة فى غسيل العوازل الكهربية لخطوط نقل الكهرباء تحت الجهد

• الغسيل بالمياه ذات الضغط العالى

          هنا بقى ياسيدى تستخدم فيها المياه تحت ضغط يتراوح مابين 27.5-70 ضغط جوى 

• الغسيل بالمياه ذات الضغط المتوسط

          يستخدم فيها المياه تحت ضغط يتراوح مابين 20.7-27.4 ضغط جوى

• الغسيل بالمياه ذات الضغط المنخفض

       يستخدم فيا المياه تحت ضغط يتراوح مابين 3.5-10.3 ضغط جوى

مسئول التشغيل (operation chief) :

مهندس الوردية بالتحكم القومى للشبكة الموحدة لجمهورية مصر العربية جهد 220 كف , 500 كف 

او مهندس الوردية بالتحكم الاقليمى لشبات جهد 132, 66, 33 كف

مشرف العمل (work supervisor ):-

مهندس مؤهل للعمل فى مجال نقل الكهرباء وأعمال ااشراف على عمليات الغسيل للمهمات الارضية والمهمات الهوائية تحت الجهد 

رجل الخطوط المكلف بعملية الغسيل( line man ):-

وده العضو الفاعل والمهم فى عملية الغسيل تحت الجهد ويكون فنى مؤهل للعمل فى مجال نقل الكهرباء وغسيل المهمات الارضية والمهمات الهوائية تحت الجهد ولابد ان يكون لديه بعض الصفات المهمة

• الخلو من الامراض العصبية والعضوية ويجب اجراء الفحوص الطبية عليه قبل تكليفهم بالعمل 
• اجتياز مجموعة من الدورات مثل دورة اساسيات العمل على الخطوط 
• اجتياز دورة الصيانة الخفيفة تحت الجهد
• اجتياز دورة غسيل العازلات تحت الجهد حتى يصبح الشخص العامل على دراية كامله بالخطوط وطريقة العمل عليها حفاظا على سلامته.

ودى كانت مقدمة لابد من التعرف عليها قبل الدخول بتعمق ...حلوه تعمق فى كيفية غسيل العازلات تحت الجهد الكهربى اعرف المعلومات دى كويس عشان هنحتاجها المقال القادم ان شاء الله  .

والى المقال القادم ومعلومة سهلة وبسيطه انتظرونى.....