محطات توليد الطاقة الكهربية

المحطات البخارية(steam stations)

 

من اسمها كده يعنى بنستخدم البخار فى توليد الطاقه الكهربيه انت بتقول ايه ازاى الكلام ده ازاى بيحصل كده اصبرو بس وانا هاقولكم ازاى معنى ان بنستخدم البخار يعنى كده الموضوع فى مياه صح ولا ايه.

 اه طبعا عشان كده اى محطة بخاريه لابد ان اكون قريبه من مصدر للمياه وان يكون مصدر دائم وطبعا لازم ان تكون مياه عزبه ولو مياه ملحه لازم يعمل محطة تحليه للمياه.

 وبعدين يستخدم المياه العزبه التى تخرج منها حلو كده لحد دلوقتى انا بس عايز اقولك على حاجه مش شرط تكون متخصص عشان تعرف معلومه جديده فى مجال اخر.

  وبعدين وانت مسافر كده بتشوف مبنى كبير كده وله عمدان وبطلع دخان كده لا مؤاخده حضرتك بتسأل نفسك ايه المبنى ده وياترى جواه ايه والعمدان دى ايه عامتا اصبر معايا.

 وتابع مقالاتى وانا هاقولك حتى تكون عايش فى الدنيا وعارف ايه اللى حواليك.

مكونات المحطات البخارية

1. الغلاية Boiler
2. التربينة Turbine
3. المكثف Condenser
4. السخانات Heaters
5. طلمبات المتكاثف 
6. طلمبات التغذيه
7. تنك التغذيه ونقط الفصد

ايه ياعم الكلام الكبير ده لا ابدا مش كبير ولا حاجه انا بس عايزك تعرف المسميات فقط عشان لما تشوفها وانت مسافر تبقى عارف جواها ايه.

 وانا بقى بعد  ذلك فى مقالات لاحقه سوف اقولك كل حاجه بالتفصيل.اول حاجه بقى ياسيدى او ياستى قبل كل شئ الميه المستخدمه دى لازم يتعملها معالجه.

معالجة المياه 

عمليه المعالجة للمياه تمر بعدة مراحل

1. عملية الترويق يحدث هنا تنقيه اللون والطعم والرائحه وتستخدم مواد معينه فى الترويق الشبه وكلوريد الحديديك والجير ويستخدم الجير لازالة املاح العسر.
2. عملية الترشيح تستخدم فى هذه العمليه مرشحات للرمل والزلط
3. عملية نزع الاملاح من الماء ويحدث هذا عن اضافة الشبه وكذالك الهيدرازين وهذه المواد تتفاعل مع كلوريد الصوديوم اللى هو الاملاح طبعا وتسمى المعادله التى يتم فيه التفاعل بمعادلة الكايتون.

واشوفكم المقال القادم ومعلومة سهلة وبسيطة انتظرونى..