المولد الكهربى بمحطات توليد الكهرباء وطريقة عمله

المولد الكهربى

بص ياسيدى وبعد طول انتظار وبعد دوره بخاريه طويله وصلنا للمولد افندى والذى يعتبر الجزء الاهم فى محطات توليد الطاقه الكهربيه ..اه الجزء الاهم لان طبعا بعد ما قمنا بتدوير عمود التربينه البخاريه وبالتالى يدور عمود المولد لانه بيبقى مربوط بعمود التربينه ويدور بنفس السرعه اللى هى زى ما قولنا قبل كده حوالى 300 لفه فى الدقيقه .

مكونات المولد الكهربى

خلى بالك معايا كويس ونركز فى الكلام اللى جاى ده الفكره عامتا لتوليد تيار كهربى هى وجود مثلا خطوط فيض مغناطيسى ووجود ملفات ثابته مع دوران خطوط الفيض وقطعها للملفات الثابته يتولد تيار كهربى فى الملفات الثابته ركز معايا بقى لان ده اصلا هو اللى بيحصل داخل المولد  

اللى احيانا بيسموه المولد التربينى كبعا عشان فيه كابلينج بينه وبين التربينه قشطه كده المولد يتكون من جزئين مهمين جدا..

1. العضو الدوار Aramature طبعا ده اتسمى كده عشان ده اللى بيبقى على العمود اللى بيدور مع عمود التربينه واخد بالك انت فالعضو الدوار بيحتوى على ملفات المجال بنسميها ملفات الField وهى المسئوله عن توليد الفيض المغناطيسى معايا ولا توهت منى ...العضو الدوار يتكون من عدد من الملفات وعدد من المجارى وهى دى اللى بنحط فيها الملفات مثال مثلا لو عندى 42 مجرى يبقى عندى 42 ملف جواهم قشطه كده                                                                          
2. العضو الثابت Stator وطبعا ده اللى بيكون ثابت وفيه مجارى ويتم وضع ملفات فيها وهذه الملفات يتولد بها التيار الكهربى نتبجة دوران خطوط الفيض المغناطيسي التى تتولد بالعضو الدوار قيقطع هذا المجال ملفات العضو الثابت وبالتالى يتولد قوه دافعه كهربيه تمام كده والنقطه دى فيها تفاصيل كتيير ماعلينا منها المهم انه بتتولد القوه الدافعه الكهربيه على اطراف ملفات العضو الثابت اللى هما ثلاثه اوجه والجهد االى هو القوه الدافعه الكهربيه المتولد بين طرفى اى وجهين فى العضو الثابت هو 11kv,22kv خلى بالك فى حاجه مهمه جدا انه تختلف شده التيار فى ملفات العضو الثابت حسب الحمل على المولد ..استنى استنى معنى كده ان مشكله ممكن تحصل لو حصل تغير فى التحميل اللى منه يحصل تغير فى  شده التيار اللى منه هيحصل تغير فى الجهد على   ...طبعاالثلاثه الاوجه لان كلنا عارفين ان الجهد هو حاصل ضرب شده التيار فى المقاومه. 

خلى بالك نظرا للمقاومه الداخليه للملفات العضو الثابت فإنه فى حالة التحميل ينخفض جهد اطراف المولد 11kv بمقدار التيار المار فى المقاومه الداخليه للمولد والعكس فإنه فى حالة نقص الحمل ترتفع جهود اطراف المولد  عشان كده بقى كان التفكير فى نظام يسمى التحكم الاتوماتيكى فى الجهد للحفاظ على الجهد الذى يخرج من المولد فى حالة زيادة او نقص الحمل

تبريد المولد بالهيدروجين

اسباب ارتفاع حرارة المولد اثناء التحميل عند التحميل تزداد كمية التيار ونتيجه لهذه الزياده فى التيار يتسبب فى زيادة حرارة المولد وملفاته وممكن تؤدى الى تدمير المولد وكذلك زيادة الحراره يؤدى الى اتلاف زيت تزييت الكراسى مما يؤدى الى اتلاف المولد

1. حدوث طاقه حراريه نتيجة الفقد خلال المقاومه الداخليه
2. الاحتكاك داخل كراسى التحميل للمولد
3. الفقد فى القلب الحديد ويتناسب مع مربع التردد
4. احتكاك العضو الدوار بالهواء

ولهذه الاسباب تستخدم التبريد للمحافظه على المولد ولذلك تم التفكير فى طريقة تبريده 

وقد وجد ان الهيدروجين له اكبر معامل تبريد فى الحياه ولذلك فضلوا استخدام الهيدروجين فى التبريد ولكن وجد ان الهيدروجين بيسخن لذلك تم استخدام مبردات للهيدروجين عن طريق المياه بنزع حرارة الهيدروجين وقد وضع الهيدروجين بين ملفات العضو الدوار وملفات العضو الثابت

  تترك مسافه بين العضو الدوار والعضو الثابت حتى يتمكن الجزء الدوار من الدوران ولكن بهذه الطريقه سوف يخرج الهيدروجين وهذا خطر كبير ولكن لابد من طريقه للحفاظ على الهيدروجين داخل المولد تستخدم ضغط الزيت وبهذه الطريقه يدور العضو الدوار ونحافظ على الهيدروجين.                          

هل تعلم ...انه يوجد فرشتين على اطراف المولد فيتم استخدام تيار DC وذلك فى عملية ال Starting للمولد وذلك لان خطوط الفيض التى تنتج اكثر بكثير من التى تنتج من تحريك السلك فى المغناطيس

اجهزة الوقايه على المولد

1. الريلاى الكهربى Relay على المولد اذا خرج المولد نتيجة لعطل ما فإن الترابط بين المولد والتربينه يكون عن طريق electric relay يعمل على فصل التربينه بإعطاء اشاره الى بلوف البخار الرئيسيه لغلق مسار البخار ويقوم بتشغيل         by bus station مع ترك الوحده شغاله وفى حالة خروج المولد وغلق بلوف البخار فإن سرعة التربينه تبقى كما هى حيث يعمل المولد كماتور نتيجة لحدوث Reverse power
2. Over current
3. Under voltage
4. Power Reverse خلى بالك عند انخفاض جهد المولد الى ما بعد الصفر يحدث انعكاس للقدره.

اشوفكم المقال الجاى ومعلومه خفيفه وسهله انتظرونى..