ادارة الازمات ...ب - ف - م ....عن ادارة الازمات نتحدث

انواع الاداره

بص ياسيدى للاداره انواع وده على حسب تعامل كل منها مع ادارة الازمات قشطه كده ايه هى بقى الانواع دى تعالى نشوف

1. اداره ..ب..                                                      ب.. هنا تعنى انها بتتحرك بعد وقوع الازمه ودى تعتبر  اسوأ انواع الاداره اللى هى بتعمل برد الفعل يعنى لازم تحصل كارثه عشان تشتغل.                   مثال.. لما اشرب كوباية الشاى وحطها فى اى مكان واسيبها الكوبايه دى لازم تنكسر عشان بعد كده نحرص على وضعها فى مكان كويس او حتى نغسلها ونشيلها.                                                    مثال.. تانى واحنا ماشيين كل يوم نعدى على بلاعه مقتوحه وشايفنها ومنقفلش البلاعه غير لما حد يقع فيها وامثله كتير على النوع ده يعنى من الاخر لازم تحصل كارثه عشان نتحرك

1. اداره..ف..                                                                         ف..تعنى اداره فعاله يعنى ايه بتتعلم من اخطائها وبدأت تدور وتستغل يعنى مثلا لو طلعت من البيت مخفف والجو طلع ساقعه فانت هنا اداره ..ب.. المره الجايه وانت طالع تقلت هدومك فانت هنا اصبحت اداره..ف.. يعنى فعال يعنى من الاخر كده اداره بتتعلم من الخطأ وبالتالى تصبح اداره فعاله
2. اداره..م..                                                              م..تعنى اداره مبادره يعنى اداره تتوقع الخطر قبل حدوثه وهى تعتبر من افضل انواع الاداره.                                                                       ومثال على كده لما امك قصدى والدتك تجبلك مثلا كوباية شاى بتلاقيها واقفه على دماغك اول متشربها وتاخدها تغسلها وتحطها فى مكانها ..فاقولها ليه كده يامى تقولى كده افضل يابنى احسن تنكسر وبالتالى ادارة الام من افضل انواع الاداره عشان بتتوقع المشكله قبل حدوثها وبتعمل كل الاجراءات عشان تتلافى حدوثها..كذلك لابد ان تعمل الادارات الناجحه لكى تحافظ على تقدمها

يارب نكون اتعلمنا حاجه اشوفكم المقال الجاى ومعلومه خفيفه وسهله انتظرونى....