الكورونا والنفسيه..ادارة الازمات

خليك ايجابى النفسيه مع ازمة الكورونا

 

كورونا..كورونا..كورونا كل ما تفتح التليفزيون تلاقى كورونا كل ما تقرأ خبر تلاقى كورونا كل ما تطلع من البيت تلاقى كورونا كل ما تتكلم مع حد يتكلم كورونا ....

بس بس كفايه كده الكورونا هو فعلا جائحة العصر الحديث حلوه جائحه دى صح ما علينا 

ياسيدى انا معترف انه فيه وباء اسمه كورونا ويجتاح جميع الدول بالعالم ولكن حضرتك تعرف ان عشان نواجه الكورونا لازم نكون ذو مناعه محترمه قصدى قويه للتصدى للفيروس قشطه كده وعشان يحصل ده ونحصل على مناعه قويه لابد ان نحافظ على النفسيه لان طبعا النفسيه لها دور قوى جدا فى الحفاظ على مناعة الجسم ..اه مناعة الجسم 

مستغرب من الكلام ...لا لا يبقى استنى كده بقى متستغربش لان مش بقول اى كلام وخلاص.

بص ياسيدى ان هاحكيلك قصه وانت تحكم بنفسك بس رجاء تركز معايا عشان انا عايز اوصل معاك لنتيجه بحيث تقتنع..

كان فيه بحث اتعمل فى خلال الحرب العالميه الثانيه اراد هتلر سمعت عنه اظن كلنا عارفينه عمل ايه النجم اراد ان يعاقب ثلاثه من جنوده .
عشان منفذوش اوامره زى ما كان عايز منهم فقام طلب من المختصين ان يستخدموا معاهم عقابا نفسيا واخد بالك انت..

ازاى ياعم هتلر هتعمل ايه اهدى شويه لا والله لازم اعرفهم ازاى مينفذوش التعليمات فوضعو كل واحد منهم فى غرفه صغيره جدا وسابو الميه تسقط نقطه نقطه ببطئ شديد..قشطه كده.

والرجاله قالولهم خلى بالك انتم اتنفستوا غاز سام وانتم مش هتعيشو اكثر من ست ساعات تمام كده مركز معايا

نكمل وقفلو الباب عليهم وسابوهم لوحدهم لمدة ثلاث ساعات وراحو فتحوا الباب عليهم واحد واحد .....

فكانت المفاجأه ان اتنين منهم ماتو وواحد فى حاله خطيره ليه لانهم اخذوا المعلومات باعتقاد تام انهم تنفسوا سم وبذلك ماتو لانهم وضعو كل تركيزهم فى السم والموت.

ايه ياعم انت بتحكى كل القصه دى ليه 
اهدى بس انا بحكى عشان اقولك ان النفسيه لوحدها بدون وجود شئ اصلا ..طبعا زى اخولنا الجنود ..كفيله انها تقتل صاحبها.

عشان كده انا اقصد حضرتك اه تطبق كل الاجراءات الوقائيه والاحترازيه..ولكن خفف شويه من متابعة الاخبار الكثيره حتى لا تؤثر عليك بالسلب ومنها يتم التأثير النفسى وده طبعا اللى احنا مش عايزينه.

اه نطبق الاجراءات الاحترازيه والوقائيه على النفسيه اولا قبل ما نطبقها بسبب الخوف من الكورونا 

وانا اكاد اجزم ان حتى اللى بيتصابو بهذا الفيروس اللعين لو انهم قدرو يتحكمو فى نفسيتهم بكده هسيبوا لاجسادهم فرصه انها تواجه الفيروس انما بقى لو النفسيه لا مؤاخده تعبانه
الجسم بيستغل فى اتجاهين وبالتالى بيكون التعامل صعب بعض الشئ مع الفيروس.

واختم بمقوله فى الفلسفه الهنديه القديمه بتقول ايه ياعم الحاج...

انت اليوم حيث اتت افكارك وستكون غدا حيث تأخذك افكارك

وشعارى انا ......
خليك فى البيت وايضا خليك ايجابى النفسيه
واشوفكم فى مقال جديد ومعلومه سهله وبسيطه انتظرونى...