الامن الصناعى للافراد داخل محطات توليد الكهرباء

 

بص ياسيدى طبعا كلنا عارفين ان الكهرباء تمر بثلاث مراحل لحد متوصل للمستهلك توليد ونقل وتوزيع هتقولى لا مش كلنا عارفين هقولك تابع مقالاتى وانا سوف اشرح كل مكونات محطات الانتاج وخطوط النقل والتوزيع.
احب اوضح لحضرتك حاجه قبل ما نتكلم فى موضوعنا انا ممكن اكلمك باللغه العربية الفصحى او حتى اكلمك بالانجليزى ولكنى افضل البساطه حتى تصبح المعلومه خفيفة الظل وتثبت بمجرد قراءتها.
نرجع الى موضوعنا بما اننا فى المحطات بنهتم بوقاية الاجهزه والمعدات فمن الاولى الاهتمام بحماية الافراد وتأمينهم ومن العوامل المؤثره على العامل هى البيئه المحيطه

من الاشياء المؤثره على العامل فى المكان الذى يحيط به

1. درجة الحراره
2. نسبة الرطوبه
3. الضوضاء
4. الاضاءه
5. الهواء المحيط بالعامل

وتعتبر من اهم هذه النقاط الاضاءه فإنه لابد من توافر الاضاءه اللازمه لاداء العمل حتى تستطيع ملاحظه الاشارات او العلامات او القراءات للعدادات...وهكذا
ايضا الضوضاء له تأثيره على السمع بالنسبه للعامل هتقولى ازاى ...اقولك ازاى فى المحطات دى ساعات بيحصل عطل معين او بمعنى حاجه اسمها خروج وحده ..هتقولى يعنى ايه هقولك تابع مقالاتى هاوضحلك كل حاجه متستعجلش
المهم لما بيحصل كده الغلايه اللى جوه المحطه بيبقى فيها غازات ذات ضغط عالى فالغازات دى بتخرج من المدخنه بتاعة الغلايه ونتيجه لفرق الضغط بيكون صوتها عالى جدا وبالتالى لابد للعامل من ارتداء واقى الاذن.

المخاطر التى يتعرض لها العامل عند تعامله مع التفريعه
 اللى هى المكان اللى بتطلع عليه الكهرباء من المولد متزعلش كل ده هاكلمك عنه بعد كده الهدف دلوقتى ازاى تأمن العامل لو نزل المكان ده لابد ان ان تكون المسافه التى يبعدها عن اى معده او موصل به كهرباء لا تقل عن 2 متر حتى لا يتعرض للمجال المغناطيسى الذى يتولد حول الموصل نتيجة مرور تيار به
لابد من تعليم العامل كيفيه استخدام طفاية الحريق حتى يستطيع التعامل مع اى حرائق تحدث فى مكان العمل
كذلك الملابس يجب ان تكون قصيره بعض الشئ وليس لها اطراف طويله خاصتا عند التعامل مع ماكينه معينه حتى لا يتم سحب الملابس